اب 500کروڑ روپے تک کے منصوبوں کو دے سکتے ہیں منظوری

نئی دہلی، 28جون؍(ایس اونیوز/آئی این ایس انڈیا)منصوبوں کی منظوری میں تیزی لانے کیلئے حکومت نے محکموں اور وزارتوں کے مالی حقوق بڑھا دئے ہے۔وزراء کو اب 500کروڑ روپے تک کے منصوبوں کو منظوری دینے کا حق دیا گیا ہے جبکہ اس سے پہلے انہیں 150کروڑ روپے تک کی منظوری دینے کا حق تھا۔وزارت خزانہ نے ایک بیان میں کہا کہ اس کے علاوہ 500کروڑ روپے سے زیادہ اور1000کروڑ روپے تک کے منصوبوں کو وزیر خزانہ کی منظوری دے سکتے ہیں۔ 1000کروڑ روپے سے زائد کے منصوبے کیلئے کابینہ کی منظوری کی ضرورت ہوگی۔اس میں کہا گیا ہے کہ نظر ثانی شدہ قوانین کے تحت غیر منصوبہ اخراجات معاملات کی کمیٹی(سی این ای)اب 300کروڑ روپے اور اس سے زیادہ کے اخراجات سے منسلک تجاویز کا اندازہ کرے گی۔اس سے پہلے یہ حد 75کروڑ روپے تھی۔کمیٹی مرکزی حکومت کی وزارتوں یا محکموں کے غیر منصوبہ بند پیشکش کے لئے ایک تشخیص پلیٹ فارم کے طور پر کام کرتی ہے۔تین سو کروڑ روپے سے کم غیر منصوبہ بند پروگراموں یا منصوبوں کا اندازہ وزارت یا متعلقہ وزارت کی مستقل فنانس کمیٹی کرے گی۔غیر منصوبہ بند منصوبوں کے معاملے میں منسلک وزارت کے انچارج وزیر کی مالی حقوق بھی بڑھائے گئے ہیں اور 500کروڑ روپے سے کم لاگت کے منصوبوں کو اب اس سطح پر منظوری دی جا سکتی ہے۔بیان کے مطابق ماضی میں انچارج وزیر 150کروڑ روپے سے کم لاگت کے منصوبوں کی منظوری دے سکتا تھا۔بیان میں کہا گیا ہے کہ 1000کروڑ روپے یا اس سے زیادہ کے منصوبوں پر کابینہ یا کابینہ کی اقتصادی معاملات کی کمیٹی فیصلہ کرے گی۔